ДАХ XXXIII
15 жніўня 2019 года ў прасторы ОК16 распачнецца фестываль “Міфалагемы тысячагоддзя”.
Асновай яго з’яўляецца татальная экспазіцыя жывапісных прац беларускага мастка Алеся Родзіна. У якасці складовых частак у агульную тканіну дзеі ўвойдзуць музычныя і тэатральныя імпрэзы, інсталяцыі розных мастакоў, якія будуць цягам палутара месяцаў ажыўляць цыклапічную прастору былой рамонтнай залі чыгуначнага дэпо. Канцэпт «Міфалагемы тысячагоддзя» - фундаментальная праца Алеся Родзіна, якая раскрывае складанасць і шматграннасць сучаснага грамадства, яго надзеі, праблемы, магчымасці і рухі. Гэтак жа фестываль прадставіць працы замежных мастакоў, якія ў свой час аб'ядноўваліся пад эгідай Тахелесу – Марціна Райтэра, Барбары Фрагогны, Крыса Раўтэнберга, перформеркі Мірыям Вутке. Запланавана сустрэча з Ліндай Цэрнай, якая доўгі час ачольвала “Тахелес”.
Важнай складовай часткай дзеі стане фестываль эксперыментальнага мастацтва ДАХ-ХХХІІІІ – “ВЕК ЧАЛАВЕЧЫ”. Менавіта дзякуючы гэтаму фестывалю, двадцаць год таму быў усталяваны культурны мост паміж Берлінам і Менскам. Ад таго часу, фестываль ня толькі падтрымлівае жывыя сувязі паміж мастакамі дзвух краінаў, але і стаў адметнай з’явай у беларускім мастацтве. З 2003 года куратарства над фестывалем перанялі Зьміцер Юркевіч і Алесь Родзін (удзельнік перашага берлінскага Даха і рэзідэнт кунт-хаўса Тахелес ад 2001 года).
У 2009 годзе, ДАХ з небывалым размахам адбыўся ў менскім “Палацы Мастацтва”, і менавіта тады прыняў свой завершаны вобраз – яднаючы пад адным дахам ўсе вядомыя накірункі мастатцва, нібы спраўджвая свой назоў “дах”. Які , дарэчы, і па-нямецкі таксама гучыць як “дах”. Чаму, уласна, у якасці назова для фестываля і было абарана менавіта гэтае слова. І зрабілі гэта двадцаць год таму ягоныя першыя куратары - беларускія мастакі ў Тахелесе - Ігар Ермакоў і Алесь Тарановіч.
Асноўная сюжэтные лініі для кожнага фестывалю з 2003 года распрацоўваліся куратарамі Зьмітром Юркевічам і Алесем Радзіным. Канцэпт засноўваўся на жывапісных работах Алеся Родзіна, сумесных інсталяцыях абодвух куратараў і перформансаў арт-суполкі «Механеры Культуры» Змітра Юркевіча. ДАХ- XXXIII не стане выключэннем, больш за тое, будзе нейкім акумулюючым і сумуючым ўсе гады гісторыі фестывалю. У фестывале возьмуць музыкі і літаратары, фатографы і перформеры, якія доўгія гады падтрымлівалі культурны дыялог паміж Усходам і Захадам, і ведаюць Тахелес не з “другіх” рук.
Адметнае месца зойме інсталяцыйны праект Зьмітра Юркевіча “КАЛАСЫ ПАД СЯРПОМ” , які ўпершыню прайшоў пад час фестываля ДАХ-XVIII ”WAR”. Апошні фестываль беларускага мастатва ў Берліне, перад закрыццём Тахелеса. Гэты маштабны праект прысвячаецца гістарычным постацям розных часоў, якія паходзяць з беларускай зямлі і з’яўляюцца яе гонарам – Францішак Скарына і Чэслаў Немэн, Мікола Гусоўскі і ігнат Дамейка, і безлічы іншых, добра вядомых, або забытых. Цэнтральнай постаццю гэтага праекта з’яўляецца наваградчанін Тадэвуш Рэйтан, які згуляў важную ролю ў гісторыі Вялікага Княства Літоўскага, і які з 2012 года знаходзіцца ў цэнтры ўвагі ДАХа, разам з асобамі Адама Міцкевіча, Ігната Дамейкі і Станіслава Манюшкі.
Фестываль ДАХ працягнецца да 29 верасня і будзе складацца з канцэртнай праграмы і адмысловых вечарынаў памяці , якія прысвечаюцца згаданым асобам. З праграмай можна будзе пазнаёміцца бліжэй да пачатку дзеі.
